Sign up to get the latest updates

Launch of Campaign - Lanzamiento de Candidatura

Diasabra mainta na cas di su famia na Savaneta, Michael a tene un encuentro cu famia y amigonan serca, pa anuncia su cadidatura y alabes lansa su campaña pa eleccion di dia 22 september 2017. Diasabra anochi na Beam a sigi su lansamento oficial riba lista di partido AVP. Despues di palabranan di bon bini di parti di nos prome minister Mike Eman, un sala completamente yen a ricibi Michael cu un entusiasmo sumamente grandi. Despues di su anuncio por a nota hopi reaccionnan positivo y contento ariba rednan social y den comunidad.

Pakiko politica

Mi a traha duro den e ultimo añanan pa aporta na un crecemento positivo y autentico di nos cultura, industria creativo y innovacion pa nos comunidad. Mi a haci esaki via iniciativanan propio y yudando iniciativanan di otronan. Pa mi ta e tempo awor pa tuma e paso aki di sigui crece creando oportunidadnan no pa mi so pero pa tur cu kier bai dilanti.

Pakiko AVP

E ideologia cu nos pueblo y pais ta central, combina cu un vision pa enrikece calidad di bida pa medio di inovacion y sostenibilidad, ta un base di coneccion y relacion entre ami cu AVP. Como un persona jong y profesional mi ta sinti cu tin espacio den e team pa bin cu ideanan inovativo pa crea oportunidadnan y progreso pa un y tur.

Vision

Cultura ta e fundeshi di futuro. Un cultura bibo ta un cultura cu ta keda Educa e Inova su mes. Ban nos tur inspira otro y habri caminda pa ideanan nobo y diverso cu lo conduci na mas oportunidadnan pa nos comunidad, creando un Aruba mas fuerte, sostenibel y eficiente.
 
Launching Michael 6
Launching Michael 5
Launching Michael 7
Launching Michael 7